一講起退休，未來嚮往優哉游哉嘅日子即刻喺腦海入面走出嚟，不過想第時成功實現？最重要都係大家嘅「退休老本」。辛苦打工大半世，無非都係想儲多個錢留返退休嘆世界，之但係退休路上漫長，總有機會遇到不穩定嘅經濟環境出現。
美國聯儲局喺9月大幅減息0.5厘，屬4年多以來嘅首次降息，意味銀行或金融機構可向個人或企業提供低貸款利率以供借貸，不過同時亦令銀行存款利率降低，直接影響利息收入。與此同時，近年國際間嘅地緣政治、戰爭衝突等因素都令市場出現波動。
有見及此，唔少人開始考慮利用低風險理財產品避險，例如具備多元貨幣轉換嘅儲蓄產品，以有助分散投資風險，避免「退休老本」被蠶食，影響未來退休計劃。下文將會比較5個低風險理財產品特點，以及其他注意事項。
5個低風險理財產品比較
透過建立多元嘅理財組合分散風險，係應對市場波動嘅方法之一。以下整合咗市面上5個低風險嘅理財產品特性以供參考，你可根據個人需要，考慮係咪加入為自己嘅理財組合。
理財工具助你養成儲蓄習慣
想將來退休無後顧之憂，而家就要識得未雨綢繆，滾大你嘅「退休老本」為日後打算。如果本身對理財認識較少，承受風險能力較低，冇咩時間管理資產嘅話，儲蓄人壽保險可能係你適合嘅理財工具。
儲蓄人壽保險有助投保人有紀律地儲錢，透過定期繳費方式累積長期儲蓄，由專業團隊為你管理財富，確保風險控制同保持長期穩定回報。加上具有保證現金回報部份，能夠鎖定保單價值，可以因應自身財務計劃鎖定部份保單價值並積存喺保單內；同時亦更具備靈活提取特性，可提取保單價值或保留保單內累積生息，因應你嘅需求調整財富配置。
多種保單貨幣增加靈活性
部份多元貨幣儲蓄人壽保險以美元、加元、英鎊、人民幣等熱門貨幣累積財富，投保人可根據自身理財計劃需求自由轉換合適嘅保單貨幣，以捕捉唔同貨幣嘅升值潛力。無論計劃緊之後到外國退休，抑或子女「教育基金」，都可以減少市場外匯波動下帶來嘅額外成本同貨幣貶值風險，達到市場避險嘅效果，實現長期儲蓄目標。
儲蓄保險不單止提供儲蓄增值，更特設人壽保障及保費紓困特點。假如投保人不幸意外身故，儲蓄人壽保險可以為受益人提供身故賠償。保單主權人可預設自選支付方案，例如全額一筆過領取身故保障，又或者分期支付，將部份金額分期支付至受益人指定年齡等嘅選項，等你嘅保單財富可以繼續靈活、有規劃地傳承至下一代。
另外，如果保單持有人喺65歲前因受傷或疾病而被診斷為完全永久傷殘，有啲儲蓄保險可豁免日後應繳保費 ，以延續保單對保單持有人及其家人嘅保障。除此以外，通過預設指示，更可指定一位家庭成員，喺你不幸被診斷為「精神上無行為能力」嘅時候，由佢去代表你提出索償，以便喺緊急情況下迅速獲得支援，而毋須經過複雜嘅程序。
大家係選擇儲蓄人壽保險嘅時候，先評估個人目標、個人長期供款能力、貨幣匯率政策、保費同其他費用等因素，審慎選擇適合自己嘅儲蓄人壽保險產品，有意投保嘅記得因應自己風險承擔能力、財政規劃等因素選擇相關產品，有唔明白嘅話不妨諮詢一下理財顧問。
