【面試攻略】見工面試問題點答好？ Bill Gates 親自示範面試必答題

【面試攻略】見工面試問題點答好？ Bill Gates 親自示範面試必答題

面試見工係每位打工仔必經嘅階段，儘管係唔同嘅行業或公司，求職者面試一樣都會被問到一啲「必答題」，例如自我介紹、期望薪酬、優缺點等。往往呢啲看似簡單嘅問題，其實都隱藏住唔少嘅學問，所以今日就等 Bill Gates 嚟為大家示範如何應對「面試必答題」啦。

近期美國 NBA 球星 Stephen Curry 就係自己嘅 YouTube 頻道中上傳咗一段模擬面試影片，而前嚟面試嘅竟然係微軟創辦人 Bill Gates ，係影片中 Stephen Curry 要求 Bill Gates 假扮自己嚟應徵微軟初級工程師，要 Bill Gates 說服自己。

「點解公司要請你？」

 Bill Gates ：「你可以睇下我過住寫嘅程式。我寫嘅軟體程式比係課堂中學到嘅還要更多、更好，而且我亦隨著每個程式越來越進步，而這亦可以體現到我對於程式設計嘅野心。另外，我亦都適合團隊合作，雖然我可能會係評論其他人程式時比較嚴苛，但整體而言，我都鍾意同團隊合作，同團隊制定出一個有野心嘅目標，並思考團隊係於未來嘅可能性。」

「你認為自己嘅優缺點係咩？你會點融入到團隊中？」 

Bill Gates ：「我唔係一個擅長行銷嘅人，亦都唔適合擔任銷售嘅職位，但我非常鍾意去構思產品嘅功能、特色，並將產品設計出來。另外，為咗做好產品設計，我會研究相關產業及產品嘅歷史，從過去失敗嘅經驗中學習，因此我認為自己相當擅長係產品嘅定位同設計嚟方面嘅工作。雖然我唔適合成為一個行銷或銷售嘅角色，不過我都好樂意去同嚟啲團隊合作。」 

「你期望薪酬係幾多？」

Bill Gates ：「我希望得到公司股份作回報，首先我十分樂意承擔風險，另外我認為公司擁有美好嘅前景。因此同現金薪金相比，我更希望獲得公司嘅股份作回報。」

影片最後 Stephen Curry 亦總結指，佢好鍾意 Bill Gates 嘅回答，認為影片對於求職者有好大嘅幫助。另外亦建議大家，對於自己擅長嘅技能同知識，面試時可以有自信地提出來。此外亦要謙虛地表示自己嘅不足同需學習嘅地方，令公司知道你能為公司帶來貢獻 。

Video link :  https://www.youtube.com/watch?v=5dQ6t7g5Vpo