謙虛又不失霸氣的回應！
講到馬斯克（Elon Musk）最令你你印象深刻嘅係啲咩？現實版 Iron Man？不過宜家大家都可能要改口稱呼佢為「世界首富」。跟據彭博億萬富翁指數最新顯示，馬斯克嘅資產已高達1950億美元（約1.5萬億港元），以高出100億美元嘅姿態，成功擊敗 Amazon 創始人貝佐斯（Jeff Bezos）成為全球新首富。
工作狂人的工作模式
然而當馬斯克得知自己成為全球新首富之後，竟然一啲都唔覺得意外，竟然好冷靜咁講咗句：「well, back to work…」。的而且確馬斯克係一個超級工作狂，而佢幾乎將所有時間都投放係工作上；馬斯克曾經就係訪問中透露，自己每星期會工作120小時，以每日嚟計馬斯克平均每日會工作17小時，而呢種工作模式亦一直無改變過。
堅持目標向世界證明
馬斯克除咗將時間奉獻俾工作外，馬斯克對工作嘅堅持亦不得不令人佩服。馬斯克曾經講過：「如果有些事對你來說非常重要，即使所有人都反對你，你也應該堅持下去。」；係成功光環背後，馬斯克同樣亦經歷過失敗同不被認同，從開發 Tesla 電動汽車到 SpaceX 太空任務，曾經遭到百般阻撓。不過馬斯克始終堅持自己嘅初心，最終 Tesla 成功成為全球市值最高嘅車企，而 SpaceX 亦成功完成載人任務，亦都因為呢一份堅持令馬斯克能夠向世界證明 nothing is impossible 嘅呢個道理。