2024香港中學文憑試（DSE）放榜，考生除咗可以根據應考成績選擇升讀本地大學、副學士或高級文憑外，海外升學亦都係深受歡迎嘅升學途徑之一。正所謂「條條大路通羅馬」，只要做好相應準備，DSE絕對唔係「一試定生死」！唔少學生家長都會視海外升學為其中一條出路，為未來學業及就業鋪路。不過海外升學需要周詳規劃，下文將會介紹海外升學應該點樣規劃、港人海外升學熱門選項，以及其他注意事項。
規劃海外升學｜海外升學有咩好處？
建立國際視野：
喺海外讀書，您可以接觸交流唔同國家文化嘅人同事，建立多元文化環境中嘅生活經驗，增強自身國際視野及文化敏感度，而且亦能夠建立國際化嘅人脈網絡，未來可能會對您嘅事業發展有幫助。
移民機會：
海外升學最吸引嘅就係移民機會，部份國家如英國、加拿大、澳洲 對留學生提供較為寬鬆移民政策，畢業後可以申請工作簽證，讓您喺當地工作，工作到指定年期及滿足有關要求後，即可申請永久居留資格或入籍。
個人成長：
遠赴海外讀書需要學會獨立生活，過程中可以提升自理能力同解難能力，同時間亦需要適應新嘅環境同文化，呢個經歷可以增強適應能力同抗壓能力。
提升語文能力：
喺非母語環境中生活同學習，可以幫你快速提升外語能力，尤其係英文。掌握多種語言更可以提升競爭力，可增加就業機會同提升薪酬，有利未來職業發展。
就業前景：
海外學習經歷能夠讓您喺求職市場上更具競爭力，唔少院校會提供實習機會，包括國際化企業，讓您獲得寶貴工作經驗。
規劃海外升學｜挑選心儀大學及學科
無論香港定係海外升學，最緊要了解清楚個人興趣、志向及能力，從而挑選海外院校唔同課程。喺考慮院校及課程係咪具備一定水平時，不妨參考「大學排名」作為揀選院校及課程嘅衡量準則。「大學排名」一般可參考3大知名機構排行榜，包括QS世界大學排名、THE（泰晤士高等教育）世界大學排名、U.S. News全球大學排行榜。
唔同排名有唔同嘅評估指標及準則，包括學術聲譽、僱主聲譽、師生比例、論文發佈數量、論文引用數目、國際教師比例、國際學生比例等因素，所以同一間大學喺唔同排名中嘅位置亦有所不同。建議綜合參考多個排名時，可根據自己嘅需求、目標等考慮因素，選擇最適合自己嘅大學。
規劃海外升學｜入學資格及簽證要求
選擇升學途徑係面對生涯規劃上非常重要嘅轉捩點，無論DSE成績如何，好多同學都會選擇海外升學作為佢哋嘅出路，一般英國、美國、加拿大、澳洲、紐西蘭都係熱門升學地點。同學一般可以經以下3大途徑報讀海外高等院校：
- 經網上或郵寄方式直接向院校申請
- 委託升學顧問公司代辦申請
- 於教育升學展覽（如香港貿發局舉辦的「教育及職業博覽」）直接向院校提交申請
不過「各處鄉村各處例」，海外各間專上學院及大學學府對於收生入學門檻都各不同，而普遍海外專上學院及大學都認可香港DSE成績作為入學參考指標，需要至少達到DSE最低成績要求方獲取錄。我哋可以參考以下基本要求（以院校收生要求為準）：
|
海外地區 |
入學申請資格 |
| 英國 | ● 香港中學文憑試資歷已獲大部份英國大學及院校認可，成績水平與英國普通教育文憑高級程度考試（GCE A level）相若；學生可向個別院校查詢相關大學課程的入學要求。
● 學生必須具備一定的英文水平，凡報讀學士學位，文憑試英國語文科一般須達第四級或以上，或在國際英語水平測試(IELTS)取得6.0-6.5分或以上。 ● 學生亦可選擇報讀國際文憑、高級國家文憑、基礎學位或國際基礎課程，然後銜接當地大學課程，學生一般須提早向個別院校申請。 |
| 美國 | ● 香港中學文憑試資歷已獲多間美國大學及院校認可，除香港中學文憑試資歷外，部份四年制院校普遍要求統一標準考試，如SAT或ACT。一些院校不採用或選擇性採用這類考試，如對這類院校有興趣，可瀏覽fairtest.org網頁。
● 至於社區大學方面，他們收生過程一般比其他四年制院校較有彈性，申請入學時不會要求統一標準化的考試成績。學生可到訪他們有興趣報讀的院校網站，了解該校指定的要求。 ● 學生要具備一定的英文水平。凡報讀學士學位， IELTS應取得6.0-6.5分或以上，或TOEFL取得550分或以上。 ● 請注意每所院校皆有他們獨有一套的入學要求，未必與以上要求百份百相符。由於大部份美國院校的入學申請限期是在三月份之前，因此在一般情況下，學生的校內成績單、學術成就和個人陳述表都會被納入考慮範圍。 |
| 加拿大、澳洲、紐西蘭 | ● 香港中學文憑試資歷已獲多間海外大學認可，學生可向個別院校查詢相關大學課程的入學要求。
● 學生必須具備一定的英文水平，凡報讀學士學位，文憑試英國語文科一般須達第四級或以上，或在IELTS取得6.0-6.5分或以上，或TOEFL取得550分或以上。 ● 學生亦可報讀大學基礎課程或其他課程，然後銜接當地大學程。 |
|
海外地區 |
學生簽證申請途徑 |
| 英國 | ● 學生簽證申請
● 英國文化協會 |
| 美國 | ● 網上簽證諮詢系統 |
| 加拿大 | ● 加拿大駐香港及澳門總領事館 |
| 澳洲 | ● 澳洲駐香港總領事館 |
| 紐西蘭 | ● 學生簽證申請 |
規劃海外升學｜英美加澳紐開支預算
海外升學洗費唔少，加上依家衣食住行樣樣貴，去到外國都唔例外，相信家長們都相當「頭痕」，所以喺部署子女升學規劃上，掌握各類型嘅開支預算係非常重要嘅一環。受一眾家長學生青睞嘅熱門升學地——英國、美國、加拿大、澳洲、紐西蘭，究竟學費同衣食住行需要幾多錢呢？
學費：
始終海外升學所費不菲，家長們最關心嘅就係當地學費。根據全球匯款服務科技公司Wise喺2023年發表嘅《全球十大最昂貴海外升學地區》研究報告顯示，美國係全球海外升學最昂貴嘅地點，每年留學開支將近35,097美元（約27.4萬港元），全球第2貴嘅紐西蘭需要24,645美元（約19.2萬港元），而同樣深受香港學生歡迎嘅澳洲（第3位）、加拿大（第4位）同樣上榜，反而英國（第6位）跟隨香港（第5位）其後，每年開支為16,872美元（約13.1萬港元）。
衣食住行：
除咗學費之外，衣食住行嘅使費亦係海外升學非常重要嘅一環。反映衣食住行嘅情況，最直接可以睇各地嘅「生活成本」，了解消費者為購買產品及服務以達特定生活水平嘅總費用衡量指標。全球城市數據資料庫Numbeo不定時公佈世界各地嘅「生活成本」數字，顯示衣食住行及其他生活費用嘅相對價格，以下會列出英美加澳紐部份衣食住行相關費用供參考。
|
衣物及鞋履各地價格（港元）｜截至2024年7月 |
|||||
|
英國 |
美國 | 加拿大 | 澳洲 |
紐西蘭 |
|
| 一條牛仔褲 | HK$639.53 | HK$407.53 | HK$443.17 | HK$615.65 | HK$543.12 |
| 一件連鎖店夏季洋裝 | HK$319.45 | HK$333.91 | HK$313.29 | HK$437.57 | HK$340.33 |
| 一對運動鞋 | HK$751.80 | HK$692.38 | HK$686.79 | HK$833.54 | HK$769.61 |
| 一對男士商務皮鞋 | HK$755.60 | HK$886.47 | HK$840.85 | HK$934.38 | HK$914.11 |
|
餐廳及食材各地價格（港元）｜截至2024年7月 |
|||||
|
英國 |
美國 | 加拿大 | 澳洲 |
紐西蘭 |
|
| 麥當勞套餐 | HK$70.44 | HK$85.89 | HK$84.89 | HK$77.13 | HK$69.31 |
| 中檔餐廳二人餐（三道菜） | HK$603.78 | HK$585.62 | HK$565.94 | HK$617.07 | HK$554.48 |
| Cappuccino （普通） | HK$32.31 | HK$40.09 | HK$29.22 | HK$27.23 | HK$25.67 |
| 牛奶（1公升） | HK$12.43 | HK$8.23 | HK$16.68 | HK$11.99 | HK$13.85 |
| 雞蛋（12隻） | HK$29.46 | HK$28.65 | HK$27 | HK$31.63 | HK$50.42 |
| 蘋果（1公斤） | HK$21.30 | HK$41.28 | HK$32.53 | HK$24.99 | HK$21.28 |
| 薯仔（1公斤） | HK$11.26 | HK$23.25 | HK$20.49 | HK$18.82 | HK$16.87 |
|
房屋每月租金各地價格（港元）｜截至2024年7月 |
|||||
|
英國 |
美國 | 加拿大 | 澳洲 |
紐西蘭 |
|
| 市中心公寓（1房） | HK$10,695.38 | HK$14,045.78 | HK$10,765.99 | HK$11,509.95 | HK$8,466.02 |
| 市中心外公寓（1房） | HK$8,652.79 | HK$11,601.27 | HK$9,532.99 | HK$9,074.43 | HK$7,041.65 |
|
交通各地價格（港元）｜截至2024年7月 |
|||||
|
英國 |
美國 | 加拿大 | 澳洲 |
紐西蘭 |
|
| 單程票（當地交通） | HK$23.14 | HK$19.52 | HK$19.81 | HK$25.71 | HK$18.48 |
| 正價月票（當地交通） | HK$704.41 | HK$546.57 | HK$593.67 | HK$863.90 | HK$843.04 |
| 的士（起錶） | HK$30.19 | HK$27.33 | HK$25.47 | HK$30.85 | HK$18.48 |
| 汽油（1公升） | HK$14.93 | HK$7.51 | HK$9.11 | HK$9.74 | HK$12.97 |
部份升學地區生活成本比起香港高，如果想慳返啲開支嘅話都唔係冇可能。喺住宿費用方面，留意同學如果喺學院嘅學生宿舍居住，宿舍一般會提供租金優惠，而且租金大都包含水、電、暖氣等費用，更有個別大學嘅宿舍租金會包含伙食費，方便為學生提供一日三餐。另外喺交通費用方面，居住學生宿舍嘅同學以步行／踩單車方式返學，就能夠節省交通費用開支。
規劃海外升學｜注意事項
了解各地生活成本同物價水平後，就可以預留足夠留學資金，不過經濟市場瞬息萬變，亦會受環球匯率波動、通脹、利息及其他因素而有所影響，所以有意為子女安排海外升學嘅家長們，最緊要預先做好財務規劃，透過儲蓄預早準備子女嘅教育儲備，從而制定一個合適嘅子女升學計劃，管理不斷上升嘅教育成本，減輕家庭財政壓力。
現時市面上主要有5種常見理財工具可以俾家長們及早開始建立教育基金，包括教育基金保險、保證入息儲蓄壽險（Coupon Plan）、投資相連壽險計劃（投連險，ILAS）、長期儲蓄保險、月供股票。不過，當中只有教育基金保險、保證入息儲蓄壽險（Coupon Plan）同長期儲蓄保險能夠提供保證回報，而且風險較低，適合風險承受能力較低嘅一眾家長們。
海外升學開支大，為咗確保子女旅途上有財務穩健嘅基礎，避免失預算嘅情況發生，以上5種常見理財工具中，長期儲蓄保險一般較受家長歡迎嚟做子女教育基金，保本之餘更有保證回報，亦可以鎖定保單價值，因應財務計劃鎖定部份紅利並積存喺保單中，以賺取利息或提取，令海外升學財政計劃更穩定。
坊間亦有唔少多元貨幣儲蓄保險選擇，能夠將保單貨幣轉換去另一種指定貨幣，以因應唔同國家嘅升學計劃作變動。另外，部份更有靈活提取選項，特設海外及中期提取款項，家長可隨時透過海外轉賬服務輕鬆轉賬到海外銀行戶口。
除此之外，萬一子女海外升學路途上遇到醫療緊急情況，長期儲蓄保險亦能提供額外支援以應付意外事件，發生重大意外時，可為您提高額外保障金額，為子女喺海外得到適切支援及保障，成為堅實後盾。
不過，坊間長期儲蓄保險性質各有唔同，部份產品著重保證回報或非保證回報，建議有意投保嘅家長們可以因應自己風險承擔能力、財政規劃等因素選擇相關產品。如果有唔明白嘅話，不妨諮詢一下理財顧問。
