打工仔是否也試過放完假，返到公司打開電腦總是提唔起勁做嘢？美國腦神經學家 Saundra Dalton-Smith 指，咁係有機會因為你嘅大腦無得到真正嘅休息 ；咁到底點先可以令大腦獲得休息？Saundra Dalton-Smith 就提供咗以下4個「大腦高效休息法」比大家參考，各位打工仔一於今晚就試試佢！
1.精神休息法：透過興趣轉移注意力
打工仔可以利用空餘時間，接觸藝術、音樂、運動不同嘅興趣嚟轉移注意力，讓自己從工作中抽離清空工作嘅思緒，真正讓大腦和精神得到休息。
2.情緒休息法：正視並處理自己嘅情緒
壓抑情緒容易損害腦部灰質，長年累月累積落嚟仲有可能導致記憶同學習力退化。所以正視並處理自己面對嘅問題，先能夠釋放自己壓抑嘅情緒，讓自己不受情緒嘅影響。
3.感官休息法：創造愉快嘅感官享受
當視覺、聽覺、嗅覺等感官感到疲勞，便會對腦部神經元造成一定程度嘅損傷 。所以為自己製造愉快嘅感官享受不但能夠令大腦得到休息，還能強化大腦前額葉，提升判斷同決策能力，例如浸一個熱水浴或到公園散步，都係一個唔錯嘅選擇！
4.社交休息法：遠離帶負能量的人
負能量能夠影響個人的身心健康，因此必須遠離帶有負能量嘅人。另一方面，大家可以主動對親近正面且釋出善意與關心嘅人，因為「感激」同「被感激」嘅感覺都能夠刺激催產素嘅分泌 ，讓大腦提升幸福感。