能夠將興趣變成自己工作應該係唔少人嘅夢想吧。90後甜品師Berry四年前同大家一樣都係一名朝九晚六嘅打工仔，不過現時嘅佢已經成為一位擁有自己甜品工場嘅甜品師。
毅然放棄全職工作 全心投入甜品世界
Berry同我地分享，起初經營甜品工場嘅時候其實犧牲咗好多私人時間，因為當時朝早需要返工，Berry只可以放工後用私人時間整甜品。後來因為公司嘅原因，Berry決定離開舊公司，隻身前往台灣鑽研甜品廚藝，全職投入甜品嘅世界。
疫情下的意外收穫
然而面對今次嘅世紀疫情，Berry話反而有意外收穫。Berry嘅生意主要透過客戶放相在社交平台推薦為主。Berry：「其實起初都會擔心生意會變差，但係意外地生意收入方面其實並無自己諗到咁衰，多咗人訂大蛋糕，特別係父親節期間嘅訂單仲比往年多咗。」。除此之外，幸運嘅係Berry屋企人都好支持佢嘅甜品生意，疫境期間Berry嘅屋企人仲各施其職幫Berry分擔工作，媽媽負責包裝家姐幫手送貨等，令Berry一家人嘅關係變得更親密。
疫情期間可能每個人都會有唔如意嘅地方，不過好似Berry咁凡事正面面對，換個角度諗，可能你都會發現當中嘅意外收穫。