講到退休生活，係好多打工仔辛勤工作大半世人最心嚮往之嘅時刻，所以賺錢除咗要維持生活外，更加要為日後退休生活做準備。金錢固然係退休生活不可或缺嘅要素，但係健康體魄同埋個人嘅心靈健康先至係退休生活嘅基石。唔想將來老咗身體跟唔上節奏？不妨學習以下5招秘訣，打造理想退休生活啦！
秘訣一：養成健康飲食習慣
人到中年要維持健康活力，除咗有足夠嘅運動及作息外，更重要係養成健康飲食習慣。按時進餐，均衡飲食，確保身體攝取足夠嘅營養，多吃蔬菜及水果，適量攝取肉、魚、蛋和奶類及其代替品，減少攝取油、鹽、糖，並盡量選擇瘦肉，減少攝取膽固醇和飽和脂肪。煮食過程中應多採用低油量嘅烹調方法如蒸、燉、炆、烚及白焯，調味適宜清淡，減輕身體負擔，以達致飲食均衡嘅目的。
除此之外，食物亦盡量切成小塊，有助更輕鬆咀嚼同吸收；減少飲用汽水等含糖飲料，每天多喝足夠水量，但要晚上避免喝太多水，導致夜間頻尿影響睡眠品質。
秘訣二：保持心境開朗
退休後進入人生另一階段，情緒同心態嘅調整同樣重要。保持愉快嘅情緒有助促進身體分泌出有益嘅激素，刺激神經細胞，調節內分泌，提高免疫功能。假如出現負面情緒（如抑鬱、焦慮、憤怒等），或承受過大心理壓力時，可以導致不當釋放腎上腺素、甲狀腺素等激素，降低自身免疫力，容易出現頭暈、心跳加快、呼吸急促等症狀，甚至誤以為自己患病而四處求醫。
因此，退休人士應積極培養正面思維及情緒，建立正向心態，不妨向身邊人表達謝意及讚美、自我鼓勵、與親友傾訴心事，時刻保持開朗嘅心情。
秘訣三：維持社交生活
初入退休階段時，好多人都會享受著「蜜月期」而感到生活嘅放鬆同自由。不過隨著日子推移，人際互動比退休前少，焦慮及煩躁可能悄然而來，難以充分利用退休嘅空閒時間，無法享受退休生活而陷入自責。雖然擺脫咗工作壓力，但人際關係同工作嘅連繫，並唔係一時三刻能夠調整幾十年嘅生活習慣。再加上步入老年期嘅負面影響，孤獨感就好容易出現。
世界衛生組織喺2023年宣佈孤獨為「迫切全球衛生威脅」，其致命影響相當於每日吸食15支香煙，甚至比與肥胖同缺乏運動相關嘅風險仲要高。因此退休人士避免刻意孤立自己成為孤獨老人，可以參與更多社會活動，增進人際關係，帶嚟內在滿足感，舒緩生活壓力，達到保持身心健康嘅目的。
秘訣四：發展個人興趣
退休後除咗均衡飲食同規律運動，不妨嘗試發展個人嗜好及其他興趣，或者參加具互動性質嘅活動，例如旅行、興趣班、志願或社區活動等群體活動，擴闊社交圈子，增加結識朋友機會，更易獲得快樂及成就感，增進自尊及變得積極自信，有助緩和退休人士面對生活同身體轉變嘅不安和焦慮。
秘訣五：妥善理財
大家都有聽過「退休三寶」，其中一項就係年金，又分為「即期」(Immediate) 和「延期」(Deferred) 兩種，可以幫助投保人將資金轉化為長期穩定現金收入，俾你有紀律咁使用退休積蓄，以應對長壽所帶來的財務風險。「延期」需要預先部署，以一筆過或分期供款的方式繳付，到咗指定年期或年齡後開始先領取年金收入；「即期」就係一筆過繳付後，即時開始分期領取年金作收入，多數為退休人士採用，提取強積金後投保。
當你年滿65歲準備退休時，強積金就可以選擇一次過或者分期提取，亦可以繼續保留喺強積金戶口裏面繼續進行投資。假如你想獲得終身保障，希望喺退休後定期獲得收入，普遍退休人士都會選擇以「即期年金」作為退休資產配置策略一部份，確保每月提取固定收入，終生保證現金流。就算壽命較預期長，都唔怕「坐食山崩」，防止過早用盡退休老本。
有打算退休後申請政府嘅「長生津」（長者生活津貼），符合入息及資產限額以及一筆過或分期支付「投保保費金額」，先唔會被計入「長生津」資產計算。只要將手上超額嘅退休金，向銀行或保險公司買年金，就可以成功申領「長生津」之餘，又可以每月獲發年金，確保退休生活無憂。
香港人口老化愈趨嚴重，退休人士除咗要面對生活開支，仲要考慮到「生老病死」可能帶嚟嘅各種狀況，單靠儲蓄未必足夠。市面上一啲年金產品因而加入咗更個人化同靈活嘅功能，務求幫助退休人士同時兼顧財富增值、醫療保障及安老需要。
以理財功能為例，有產品設有「類活期」儲蓄功能，最快第3年開始可以每年鎖定高達10%終期紅利，再靈活存入「日日生息」戶口，仲有一世保證現行年金率4-7%，助你抗通脹，令財富更有增長，令退休儲蓄唔會俾通脹蠶食。
至於健康方面，受保人喺退休期間如果不幸確診癌症、心臟病、中風、腦退化症、亞爾茲默氏症或柏金遜病等指定危疾，甚至喪失部份獨立生活能力，可額外申領高達50%終期紅利，而且唔會扣減保證每月年金。配合附加保險，假如受保人喺80歲前患上特定神經系統疾病，仲可額外獲派保證年金，長達10年，變相為醫療同生活開支多加一層保障。
受保人如不幸意外身故，部份附加保障除咗提供額外意外保障，仲設有「生命禮讚金」，協助受益人實報實銷殯儀同安葬費用，減輕突發經濟壓力。相關年金仲可以轉讓俾摯愛，實現跨世代嘅財富傳承。
不過要留意，年金始終係長線產品，購買後會影響資產靈活性，一般情況下未必可以隨時贖回。所以喺準備投保之前，應該先了解清楚計劃性質、特點同風險，貨比三家，再因應自己需要同負擔能力作決定。如有疑問，建議先諮詢理財顧問意見。
