「退休儲備不足」係唔少打工仔對未來退休最唔希望發生嘅情況，有見及此近年多咗年輕人開始提早部署退休計劃，避免「老本乾塘」情況出現。退休金嘅多少每人唔同，而喺規劃退休上，「4%法則」都係唔少人採取嘅策略之一。
「4%法則」由美國財務顧問William Bengen（威廉．班根）喺1994年一篇名為《從歷史數據決定提領率》（Determining Withdrawal Rate Using Historical Data）研究報告中所提出嘅退休規劃理論，旨在幫助退休人士喺退休金中，能夠維持至少30年而且每年提款4%作生活費使用。
「4%法則」是甚麼？
William Bengen 嘅研究發現，如果每年提取4%資金，即使喺經濟最差嘅情況之下，都能夠確保大部份人可持續穩定地領取資金支撐退休生活。按照「4%法則」比例每年領取資金，退休金可支撐大約30年嘅生活開支。30年期係根據過去股市及債券市場模擬結果所得出，目的確保資金喺退休後嘅長期需求中能夠持續。
好處：
● 以經濟大蕭條等事件嘅幾十年歷史數據進行測試
● 簡單易明，可快速評估退休所需資金
● 至少30年安全領取期
● 每年提取4%資金，可能永遠取不完，甚至最後剩低很多資金
如何用「4%法則」計算退休金？
按照「4%法則」擬定退休計劃，建議儲蓄金額只要達到每年生活費嘅25倍，就可以展開退休生活。你需要確保退休金支撐至少30年，並且每年提取4%作生活費。以下是計算公式：
所需資金 = 退休後每年支出 ÷ 4%
假設你預計退休後每年需要$1,000,000嚟維持生活，而所需資金等於 = $1,000,000÷0.04 = $25,000,000，儲蓄年期為30年嘅話，即係每年儲蓄至少要80幾萬。不過，呢筆錢並唔一定係現金，可以係唔同形式嘅資產，例如升值後物業／債券／股票／小生意嘅總資產等。
「4%法則」限制
● 個人必須有紀律控制收入支出
● 通脹可能導致未來花費變高，造成資金唔夠用情況發生
● 只固定領取4%，可能跟唔上人生各階段需要
● 部份債券利率現時比過去低很多，因此不能單靠債券，需投放資金至其他投資組合
● 稅收或其他成本費用並未包含
隨着社會轉變，投資環境及市場條件產生變化，通脹持續升溫對退休金耗盡時間產生重要影響。除咗退休金，我哋更應該評估其他被動收入來源，例如延期年金等理財產品，有助減輕對退休金的需求，做到「食息唔食本」。
超越「4%法則」達成「食息唔食本」
為咗應對人口老化問題，鼓勵市民盡早儲蓄迎接未來退休生活，政府推出咗「合資格延期年金保單」（Qualifying Deferred Annuity Policy ，簡稱：延期年金／QDAP）協助市民規劃退休。年金本身係用嚟規劃退休嘅工具，投保人將積累嘅儲蓄資產，轉化做喺特定時間內嘅穩定收入，目的係令市民更有規律使用退休積蓄，應對長壽所帶來嘅財務風險。年金都有唔同類型，只有「延期年金」先可以為大家扣稅。
延期年金特點
● 最低保費總額為$18萬，供款期最少5年
● 年金領取期最短為10年
● 投保人須年滿50歲或以上才可領取年金
● 保險公司須公開內部回報率及清楚列明年金收入的保證及非保證金額
● 附加保障如危疾及住院現金的保費，須與合資格延期年金的保費分開列明
把握3月底坐上「扣稅尾班車」
課稅年度會喺3月31日就會結束，銀行及保險公司會喺課稅年度結束後嘅40日內，向投保人提供保單年度摘要，並列出該年度已繳付嘅合資格保費金額。
打算即時享用扣稅優惠嘅話，就要限期前完成投保「延期年金」，並填寫稅務局IR831表格申請修訂評税，咁先可以係當前稅務年度獲得扣減。往後嘅保費繳付年期內，只要喺每年報稅時申請扣稅，就可以持續享有扣稅優惠。
除此之外，銀行及保險公司一般都會喺大家交稅前夕推出限時投保優惠，更有部份產品可享高達首年年度化保費20%保費回贈、保費假期、免醫療核保等迎新優惠，記得把握最後扣稅機會為自己退休「自製長糧」。
保險業監管局推出「年金至識揀」一站式搜尋工具，協助你更容易尋找出可供銷售的QDAP選項及其產品特性。選購「延期年金」緊記因應自身情況（如退休安排、風險接受程度）、投保目的、產品合適性、長期供款能力、流動資金需要等作考慮，從而揀選適合計劃。如果有任何投保「延期年金」疑問，可聯絡理財顧問會面，同您一齊策劃未來退休人生。
