返工時間與幸福感覺有直接關係？
香港好多打工仔都需要跨區返工，小編都唔例外，閒閒地一日都要用2個鐘，不過原來返工時間嘅長短同幸福感覺係有直接關係㗎！瑞典于默奧大學（Umea University）曾經就有研究發現，夫妻當中只要有一方，每天返工時間超過45分鐘，就會令離婚率大增40%。
長時間通勤容易為家庭帶來壓力
研究指，大部分需要長時間通勤嘅家庭通常都有小朋友，因此令到佢哋無得隨意搬遷，所以只好接受長時間通勤嘅無奈，而長時間通勤又會容易令家庭產生不同嘅壓力，久而久之就會容易影響婚姻生活。
理想嘅單程通勤時間？
可能睇到呢到你會諗，最理想嘅通勤時間當然就係唔需要通勤，最好公司係屋企隔離。咁就錯啦！美國就有調查顯示，當地人最理想嘅單程通勤時間為 16 分鐘。調查研究人員表示，16 分鐘嘅返工距離可以令打工仔，係返工前有一段過度期嚟迎接或者緩解工作嘅壓力。另外近年嚟亦有唔少研究證明，打工仔以步行或踩單車方式返工，唔只對身心健