早起的鳥兒有蟲吃，早起的人較容易成功？雖然未有研究證明到底係唔係真？不過我哋可以發現，唔少成功人士都有早起嘅習慣。到底名人早起又會做咩？早起又對我哋有咩好處呢？
蘋果CEO Tim Cook
蘋果公司行政總裁Tim Cook曾接受訪問提到，自己係一個「晨型人」。佢每日早上大約 4 點就會起身，覆覆 Email、然後就會到健身室鍛鍊身體，運動結束後，佢會飲杯咖啡，讓頭腦更加舒暢後才去工作。Cook亦表示經歷一個充實嘅早晨後，可以提升動力令自己火力全開，馬上進入高效嘅工作狀態。
蘋果創辦人 Steve Jobs
已逝嘅蘋果創辦人Steve Jobs同樣亦有早起嘅習慣，多年前接受訪問時表示自己每日早上6點就會起身，趁著孩子們醒來前會先完成一些工作，然後再與家人一起食早餐，再送完孩子們去上學。結束後，才會回公司開始忙碌嘅一天。
除了早睡早起身體好，早起仲有咩好處？
日本曾有一位專家指出，一旦你想要培養早起嘅習慣，你亦會開始學習早睡。你會開始提醒自己放工後早點回家，或是盡可能提高效率避免加班。同時你更好好思考收工後如何運用時間，唔會安排一啲浪費時間嘅活動，耽誤自己嘅睡覺時間。換句話來說，早起除左身體好仲能夠間接提升你嘅時間管理能力。
另外，習慣早起即意味著你將晚上嘅空閒時間轉移到早上，即時早上的時間更彈性，這樣你就可以製造出自己嘅專屬時間，而呢段時間亦唔會有同事、家人同朋友嘅打擾，你可以透過呢段時間更專注地學習、閱讀、工作、運動等，為充實嘅一日做好準備。如此一來，自己不同方面嘅能力亦會有所提升，對個人身心都有好大嘅幫助。