OT唔緊要，但關鍵嘅係可唔可以換到相對嘅回報。打工仔辛苦完一年當然希望來年可以加人工啦，嚟到年尾當然係時候同老細傾下加人工嘅問題，不過傾還傾都要注意以下三點呀！
了解並分析公司同行業嘅現狀
傾加人工前當然要首先考慮當下公司嘅狀況，分析公司未來嘅發展能力同成長性，千祈唔好太過以個人角度出發要求加薪。另外如果所在行業存在薪金上限，即使你工作表現再好都無可能超過行業總體薪資水平太多。所以係提出加人工要求時，應該先行量公司同行業狀況，再提出合理嘅加薪要求。
確定自己有足夠嘅談判資本
想要加人工，咁就要有相對應嘅實力或資本嚟同老細談判，否則老細又憑咩會去加你人工呢？而年尾正係年終總結嘅時候，係呢個時候你就可以扲返過去工作嘅成績數據嚟同老細傾，咁樣一來可以增加自己嘅說服力，同時亦可以令加人工變得合情合理。
要注意時機
如何審時度勢選擇時機亦都係決定加薪成功嘅一大要素，年尾係工作收尾嘅階段，呢段時間打工仔都可能會好忙，若然自己手上工作尚未完全嘅時候搵老細傾加人工，咁會好容易會令老細誤以為你用即將收尾嘅工作進度嚟威脅佢加人工。而當換作完成工作後再去談判，咁樣談判會變得容易，成功嘅機率亦都會大增。