英國放寬港人BNO護照權利，容許港人係英國工作及居留，唔少人都考慮用BNO申請移民英國！不過去到一個人生路不熟嘅地方，住屋、搵工、唔少生活上嘅事情都要重新開始。今日「盡鐘即走」有幸邀請到現時已移居英國嘅港人－阿米為大家分享英國求職嘅注意事項，為準備移英嘅打工仔提供建議。
求職應該如何踏出第一步？
至於其他行業情況又係點呢？以我個人為例，我自己之前主要從事 Media ＆ Marketing 嘅工作，所以嚟到英國主要嘅搵工途徑都係靠英國嘅求職網站，而 Linkedin 就係我最初選擇起步搵工嘅網站，因為 Linkedin 平台招聘廣告非常廣泛，上面會有來至唔同招聘網站或獵頭嘅招聘廣告，俾到多一個搵工途徑俾求職者。而且 Linkedin 有完善而且成熟嘅招聘網絡，所以可以幫大家更快捷接收到唔同嘅求職資訊同職位建議，所以初頭我就揀咗係 Linkedin 開始起步搵工。
搵工時有乜要注意？
搵工要睇好多方面，不過我個人認為最重要嘅都係返工地點。Linkedin 有來自唔同地區嘅招聘廣告，所以係搵工時我都會留意返工作嘅地點到底距離自己有幾遠。而唔少嘅求職廣告都會清楚列名工作地點，職位需唔需要在家工作等。我曾經亦有見過有啲職位可能工作地點比較遠，但係只係要求員工每月只需要返office一日，所以大家係搵工時候記住要仔細留意求職廣告嘅內容呀！
香港英國職場文化差異 如何靠一封Cover Letter獲取面試機會？
其實 cover letter 就如求職嘅金鎖匙，寫得好隨時大大提升獲取面試嘅機會。移居英國港人－阿米初到英國求職時曾經就因為 cover letter 而遇到求職碰壁嘅經歷，不過正因為呢個經歷直接改變咗阿米嘅求職心態！
阿米：「點解我會認為 cover letter 咁重要，其實係因為初頭係英國搵工時，我都係抱住有工就 apply 嘅心態，將任何有機會嘅工作都 apply 咗先，不過直到我收到一位 Hiring Manager 嘅 email 就改變咗我呢個心態。個封並唔係一封錄取通知嘅 email ，而係一封來自 Hiring Manager 嘅勸誡，email 中佢提醒我千祈唔好忽視 cover letter 呢一個細節，因為係佢嘅眼中 cover letter 同 CV 一樣，都係求職當中不可或缺元素。而佢仲話，就算求職者嘅工作經驗再豐富都好，一但冇交 cover letter 或寫得唔好，佢都一定唔會考慮； 雖然呢封 email 並唔係啲咩好消息，但當下我其實非常感動。而經過呢次經驗之後我就開始著重 cover letter 嘅內容，係每次求職時都會因應應徵職位而度身訂造一封 cover letter 。」
英國求職辛酸 放下身段重新出發竟受 HR 質疑?
有人話想係異地成功搵工，就先要放下身段從細做起！但現實又係唔係只要從細做起就易啲俾人請？移居英國港人－阿米原本都有呢個想法，以為重新出發一來可以令自己盡快重回職場，二來仲可以更快融入英國職場，可惜呢個想法竟然令佢受到質疑！
阿米：「係香港打工時，自己職位屬於管理層級別，不過來到英國，新環境新景象好多事情都需要重新適應，而且自己亦希望能夠花時間照顧小朋友，所以自己偏向想搵較低級嘅職位。但無奈嘅係，當我申請低級職位嘅時候，經常都受到 HR 嘅質疑，指我嘅資歷過高唔適合應徵低職位，然後就會建議我去申請更高嘅職位。我亦都試過有 HR 因為資歷過高嘅關係唔接受我嘅申請。所以現實情況係唔係真係，只要放低身段就可以搵到工？其實都好睇你自己嘅職位級別同行業而定，未必個個人都適用。」
英國＆香港兩個地方對求職者的工作要求有乜分別？
阿米：「對 Marketing 行業有少少熟悉嘅打工仔都知道，係香港做 Marketing 好多時都需要「一腳踢」一人身兼多職。但嚟到英國我反而發現，英國嘅 Marketing 公司竟然對「周身刀」嘅求職者無太大興趣，因為佢哋會覺得你識嘅嘢太散唔夠專注，無一門專業嘅技能。所以佢哋會偏向鍾意專做某個 position 嘅求職者，而唔係可以「一腳踢」嘅打工仔。」
阿米：「我覺得英國 Marketing 公司仲會好著重員工嘅專業資格，佢哋非常樂意見到員工有行業相關職業專業資格或證書，所以如果打工仔打算嚟英國發展，咁好就準備定職專證書，咁樣對大家係英國搵工都非常有幫助㗎。」
英國打工仔點交稅？ 求職時填寫薪金有乜要注意？
英國向來出名重稅，有人話係英國交稅交到窮。阿米：「當然無咁誇張，不過英國稅項的而且確比較重。首先英國入息稅可以分為四級，分別係免稅（年收入12500英鎊以下）、交月薪20%嘅基本稅（年收入12501英鎊至50000英鎊）、交月薪40%嘅高稅（年收入50001英鎊至150000英鎊）以及交月薪45%嘅額外稅（年收入150000英鎊以上）。四個級別雖然都係以年薪計算，但係一般每月出糧嘅打工仔稅款都會每月自動係薪金中扣除，而英國政府官網其實有一個入息稅計數機，大家只要輸入自己嘅總收入，佢就可以幫你計到你要交幾多稅！
另外，英國人唔止要交入息稅，仲有國民保險（NI）、 Workplace Pension（類似MPF）等供款，所以的確英國交稅係比較重。我曾經都聽過有人話，佢寧願唔升職唔加人工都唔想由基本稅級升到高稅級，因為扣埋稅款其實人工變相無真係搵多咗，所以有啲人會寧願保持係基本稅級別。」
英國政府入息稅計數機：https://www.gov.uk/estimate-income-tax
阿米：「係香港寫 expected salary 通常都係以月薪為單位，不過英國人就習慣以年薪為單位，所以佢哋亦都會 expect 大家填 expected salary 嘅時候都係年薪嘅金額，而呢個年薪係講緊未扣入息稅同其他供款，所以大家係填 expected salary嘅時候都要考慮清楚轉換成月薪再減埋所有稅項，大家實質袋到幾多落袋！」
打工仔求職前有咩事前準備？
社交媒體同 Digital marketing 行業發展迅速，但係英國個邊，Marketing 嘅行情又係點呢？英國嘅 Marketing 工究竟適唔適合香港打工仔？今日就等係英國當地從事 Marketing 行業嘅阿米來同大家分享現時英國 Marketing 行業嘅求職情報啦！
好多移英港人都話英國好難搵 Marketing 嘅工作，究竟目前行業招聘狀況係點？
阿米：「其實現時英國嘅求職網站都有好多 Marketing 工種嘅招聘廣告，所以行業對人才仍然有需求。但點解香港人係英國咁難搵到 Marketing 工呢？好大程度上都係因為大家對英國嘅媒體同 Marketing 行業都未係太熟悉，所以我比較建議大家係求職嘅時候，可以搵一啲 target 亞洲市場嘅公司，因為相比起英國人，大家對於亞洲市場一定較有優勢。」